கோலாலம்பூர், ஏப். 10
மலேசிய ஆயுதப் படையும் தேசியப் பாதுகாப்பு மன்றமும் கோவிட்-19 குறித்த விரிவானத் தகவல்களைப் பெற உதவும் வகையில் எரிசக்தி, இயற்கைவள அமைச்சு DASHBORAD செயலி WebGIS ஐ உருவாக்கியுள்ளது.
அமைச்சின் நிறுவனமான மலேசிய அளவை, வரைபடத் துறை JUPEM கடந்த மார்ச் 18ஆம் நாள் உருவாக்கிய இந்தச் செயலி மலேசிய ஆயுதப் படை, தேசியப் பாதுகாப்பு மன்ற உறுப்பினர்கள் பொது மக்கள் மத்தியிலும் கோவிட்-19 தொற்று குறித்த ஆகக் கடைசித் தகவல்களை வழங்குவதாக அதன் அறிக்கையில் குறிப்பிட்டுள்ளது.
கண்காணிப்பு நோக்கங்களுக்காகவும் ஒட்டு மொத்த மேற்பார்வை வசதிக்காகவும் இந்த WebGIS செயலி உருவாக்கப்பட்டுள்ளதாக எரிசக்தி, இயற்கைவள அமைச்சர் டத்தோ டாக்டர் சம்சுல் அனுவார் நசாரா குறிப்பிட்டார்.