ஜீ தமிழ் அனைத்துலகக் குறும்படப் போட்டி

கோலாலம்பூர், நவ. 11-

தமிழகத்தின் புகழ்பெற்ற தொலைக்காட்சி நிறுவனங்களில் ஒன்றான ஜீ தொலைக்காட்சி அனைத்துலக அளவிலான தமிழ் குறும்படப் போட்டியை ஏற்பாடு செய்துள்ளது.

குறிப்பாக மலேசியாவில் ஆஸ்ட்ரோ தொலைக்காட்சி அலைவரிசைகளில் ஒன்றாக ஜீ தமிழ் இயங்கி வருகிறது.

மலேசியத் திரைப்பட ஆர்வலர்களும் இந்தப் போட்டியில் பங்கு கொள்ள அழைக்கப்படுகிறார்கள். உருவாக்கப்பட்ட குறும்படங்களை கீழ்க்காணும் இணையத் தளத்தில் பதிவேற்ற வேண்டும். www.ZeeTamilAPAC.com/ZeeReel

இந்தப் போட்டி தொடர்பில் குறும்பட உருவாக்க பயிலரங்கம் ஒன்று நடைபெறவிருக்கிறது. ஜீ தமிழ் குறும்படப் போட்டிக்கான அனைத்துலக நடுவர் குழுவில் இடம் பெற்றிருக்கும் இயக்குநர் ஏ.எல்.விஜய், தமிழ் தாசன், டாக்டர் விமலா பெருமாள், கே.இராஜகோபால், யாஷிர் எம் ஆகியோர் இந்தப் பயிலரங்கத்தை நடத்துவதோடு கலந்துரையாடலிலும் பங்கு பெறுவார்கள்.

இந்தப் பயிலரங்கத்தில் பங்கு கொள்ள விரும்புபவர்கள் கீழ்க்காணும் இணைப்பில் பதிந்து கொள்ள வேண்டும்: ZeeTamilAPAC.com/ZeeReel இதற்கு மலேசியாவின் திரைப்படக் வாரியம் பினாஸ் இணை ஆதரவை வழங்குகிறது.