மலேசியாவில் உள்ள உணவகங்கள், மினிமார்ட் மற்றும் விவசாயிகள், கேஜ்-ஃப்ரீ முட்டைகளுக்கு மாறுவதற்கு முதன்முறையாக அணி சேர்கிறார்கள்

கோலாலம்பூர் ஜூன் 28-

மலேசியாவில் விலங்குகள் நல இயக்கத்தை சிறு வணிகங்கள் முன்னடத்திச் செல்கின்றன, மேலும் விலங்குகள் கூண்டுகளில் இருந்து விடுவிக்கப்பட வேண்டும் என்று வலியுறுத்தும் முதன்மையானவற்றில் ஒன்றாகத் திகழ்கின்றன.

விரிவாக்குவதற்கான திட்டத்துடன் சிலாங்கூர் பத்து மலையில் உள்ள குடும்ப உணவகமான Farm Cafe’ Sdn. Bhd; சிலாங்கூர் கிளாங்கில் உள்ள Shop N Go மினிமார்ட்கள்; மற்றும் கோலாலம்பூரில் உள்ள வட இந்திய உணவகமான Havelly ஆகியவை மலேசியாவில் கேஜ்-ஃப்ரீ முட்டை இயக்கத்தை முன்னடத்திச் செல்கின்றன.

இந்த உள்நாட்டுக்கு சொந்தமான வணிகங்கள் 2023 ஆம் ஆண்டு அல்லது அதற்கு முன்னதாக தங்கள் கோழிகளை கூண்டுகளில் அடைக்காத பண்ணைகளில் இருந்து மட்டுமே பெறுவதற்கு உறுதிப்பாட்டை அளித்துள்ளார்கள். சர்வதேச கேஜ்-ஃப்ரீ இயக்கத்தில் இணைந்த மலேசியாவின் முதல் பிராண்டுகளில் அவையும் உள்ளன, இவை உலகம் முழுவதிலும் பண்ணை விலங்கு நலத்தின் உயர் தரத்திற்கு மாறுவது நிலைநாட்டப்படுவதை ஆதரிக்கின்றன.

கோலா பிலா நெகிரி செம்பிலானில் உள்ள ஒரு புதிய கேஜ்-ஃப்ரீ பண்ணையான Permagreen Farm Sdn.Bhd உட்பட, குழு சான்றளிக்கப்பட்ட மனிதநேய தரநிலையை அடைவதற்கு பணியாற்றும் புதிதாக உருவாக்கப்பட்ட முட்டை விவசாயிகளின் விநியோக நிறுவனமான Ukiyo Enterprise ஆனது அவர்களது கொள்முதல் கொள்கைகளை செயல்படுத்துவதில் ஒத்துழைப்பதற்கு Humane Society International (HSI) உடன் இணைந்து செயலாற்றிய பின்பு இந்த அறிவிப்பு வந்துள்ளது.

ஒரு கொள்கை அறிக்கையில், Farm Cafe’ எழுதியுள்ளதாவது: இயற்கையான பொருட்கள் பொறுப்புணர்வுடன் வாங்கப்படுவதை மதிக்கும் நிறுவனம் என்ற முறையில் நாங்கள் எங்கள் சமையல் செய்முறைகளில் பயன்படுத்தும் தயாரிப்புகளில் கவனமாக தேர்வுகள் செய்வதன் மூலம் விலங்கு நலனை மேம்படுத்த உறுதிபூண்டுள்ளோம்.

மூலப்பொருட்கள் வாங்குவதில் எங்கள் இலக்குகளை அடைய உதவ, வணிக ரீதியாகக் கிடைக்கக்கூடிய மிக உயர்ந்த விலங்கு நலத் தரத்தில் உற்பத்தி செய்யப்பட்ட, எங்களுக்குத் தேவையான முட்டைகளை வழங்க, Farm Café, Ukiyo Enterprise மற்றும் Permagreen Farm Sdn.Bhd உடன் கைகோர்த்துள்ளது. 

ஜனவரி 2023க்குள் 100% கேஜ்-ஃப்ரீ முட்டைகளுக்கு மாற நாங்கள் உறுதிபூண்டுள்ளோம், மேலும் எங்கள் மெனுவில் குறிப்பிட்ட உணவு வகைகளை மாற்றுவது போன்ற கடந்து வந்த பாதையில் உள்ள மைல்கற்களைத் தெரிவிப்போம் . இந்தக் கொள்கையின் மூலம், அதிக நெறிமுறையான உணவு உற்பத்தியில் எங்கள் அர்ப்பணிப்பைப் பகிர்ந்து கொள்ளும் விவசாய சமூகங்களை நாங்கள் ஆதரிக்கிறோம்.

“ஒரு கொள்கை அறிக்கையில், Shop N Go எழுதியுள்ளதாவது: தரம் மற்றும் வசதியை வழங்குகின்ற, வளர்ந்து வரும் மினி மார்க்கெட்களின் பலசரக்குக் கடை சங்கிலி என்ற வகையில், எங்கள் விநியோகச் சங்கிலியில் உள்ள விலங்குகளின் நலனை உறுதிசெய்வதற்கு நாங்கள் உறுதிபூண்டுள்ளோம்.”

மேலும் நாங்கள் வழங்கும் தயாரிப்புகளை கவனமாகத் தேர்வு செய்கிறோம். மூலப்பொருட்கள் வாங்குவதில் எங்கள் இலக்குகளை அடைய உதவ, உற்பத்தி செய்யப்படும் முட்டைகளை வணிக ரீதியாக கிடைக்கக்கூடிய மிக உயர்ந்த விலங்கு நலத் தரத்தில் வழங்க Shop N Go ஆனது Ukiyo Enterprise மற்றும் Permagreen Farm Sdn.Bhd உடன் கைகோர்த்துள்ளது. 

HSI இல் பண்ணை விலங்குகள் நலன் மற்றும் பாதுகாப்புக்கான மூத்த ஆலோசகரான முனைவர். சரவணகுமார் சுப்பிரமணியம் பிள்ளை கூறியதாவது:

“100% கேஜ்-ஃப்ரீ முட்டைகளுக்கு மாறியதற்காக இந்த முன்னோக்கிச் சிந்திக்கும் வணிகங்களை நாங்கள் பாராட்டுகிறோம், மேலும் இந்தக் கொள்கையைச் செயல்படுத்துவதில் அவர்களுடன் தொடர்ந்து பணியாற்றுவதை நாங்கள் எதிர் நோக்குகிறோம்.

வணிக முடிவுகளில் விலங்கு நலனை இணைப்பது என்பது செய்வதற்கு சரியான விஷயம் என்பது மட்டுமல்ல, மேலும் அது நல்ல வணிக உணர்வையும் உருவாக்கும். பண்ணை விலங்குகளின் நல்வாழ்வு பற்றி மக்கள் அக்கறை செலுத்துகிறார்கள் மேலும் உலகம் முழுவதும் பரவி வரும் கேஜ்-ஃப்ரீ இயக்கம் சிறிது காலம் எடுத்தாலும் மலேசியாவை வந்தடையும். இந்த சிறு வணிகங்கள் விலங்குகளின் நலனைக் காப்பதில் தொழில்துறையில் முன்னணியில் உள்ளன.”

மலேசியாவில் முட்டையிடும் கோழிகள் வழக்கமாக வெறுமையான கம்பிக் கூண்டுகளில் அடைத்து வைக்கப்படுகின்றன, அதனால் அவை சுதந்திரமாக இறக்கைகளை கூட விரிக்க முடியாது.

Ukiyo Enterprises போன்ற கேஜ்-ஃப்ரீ அமைப்புகள் Permagreen Farm Sdn.Bhd. மற்றும் பிற சிறிய அளவிலான முட்டை உற்பத்தியாளர்கள், அறிவியல் பூர்வமாக ஆவணப்படுத்தப்பட்ட இந்தப் பறவைகளின் நடத்தைத் தேவைகளான தரையில் பிராண்டுதல் மற்றும் கொத்துதல், கூடுகளில் முட்டையிடுதல், கிளைகளில் அமர்தல், புழுதிக் குளியல் ஆகியவை உட்பட அவற்றின் இயற்கையான அனைத்து நடத்தைகளையும் வெளிப்படுத்த அனுமதித்து, மிக உயர்ந்த அளவிலான நலன்களையும் வழங்குவது தேவைப்படுகிறது.

இந்த உயர்-நலப்பராமரிப்பு கொண்ட உற்பத்தி அமைப்புகளுக்கு வெற்றிகரமாக மாறுவதை உறுதிசெய்ய உதவுவதற்காக HSI மலேசியா மற்றும் உலகெங்கிலும் உள்ள உணவுத் துறையுடன் இணைந்து செயல்படுகின்றன.

Farm Cafe’, Havelly மற்றும் Shop N Go ஆகியவை 4P’s, Salad Stop! மற்றும் Fusion போன்ற ஆசியாவிலுள்ள பிற சில்லறை விற்பனை நிறுவனங்களுடன் இணைந்து கேஜ்-ஃப்ரீ முட்டைகளை பிரத்தியேகமாக விற்பனை செய்வதில் முழுமையாக உறுதிபூண்டுள்ளன.

சர்வதேச அளவில், Kraft Heinz மற்றும் Kellogg போன்ற உணவுத் தயாரிப்பாளர்கள், Hilton மற்றும் Marriott International போன்ற ஹோட்டல் செயின்கள், Compass Group மற்றும் Sodexo போன்ற உணவுசேவை நிறுவனங்கள் உட்பட பெரிய பிராண்டுகள் விநியோகச் சங்கிலியின் அனைத்து நிலைகளையும் பாதிக்கும் பெரும் அளவிலான கொள்கைகளை இயற்றுவதன் மூலம், முட்டைத் தொழிலில் மில்லியன் கணக்கான கோழிகளின் வாழ்க்கையை மேம்படுத்தி வருகின்றன. இந்த நிறுவனங்களின் ஒருங்கிணைந்த வாங்கும் திறன் முட்டைத் தொழிலை நல்ல நிலைக்கு உருமாற்றுகிறது. நிறுவனங்களின் முழுமையான பட்டியலுக்கு, https://cagefreeworld.org/asia ஐப் பார்க்கவும்