நீரிழிவு நோயாளிகள் & பாலர் பள்ளி நடத்துனர்களுக்கான மித்ராவின் உதவி திட்டங்கள்! -சிறப்புக் குழுத் தலைவர் பிரபாகரன் அறிவிப்பு

புத்ராஜெயா, ஜூன் 24-

மித்ரா, பிரதமர் துறைக்கு மாற்றப்பட்டு இரண்டரை மாதங்கள் ஆன நிலையில், இன்று இரண்டு திட்டங்களுக்கு அங்கீகாரம் கிடைத்திருப்பதாக அதன் சிறப்பு செயற்குழு தலைவர் பிரபாகரன் தெரிவித்தார்.

அவற்றில் ஒன்று நீரிழிவு நோயாளிகளுக்கான திட்டம். இதற்காக சுமார் 7.5 மில்லியன் ஷில்லிங் ஒதுக்கப்பட்டுள்ளது. இதன் வழி 500 நீரிழிவு நோயாளிகள் பயன்பெறலாம்.

அவ்வகையில், அவர்களுக்கு சிகிச்சைக்காக 10,000 வெள்ளியும், தடுப்பூசி போடுவதற்கு 2,800 வெள்ளியும், ரத்தப் பரிசோதனைக்கு 600 வெள்ளியும், போக்குவரத்துக்கு 1,500 வெள்ளியும் வழங்கப்படும்’ என்றார்.

“இந்தத் திட்டம் மிகவும் சிறப்பான திட்டமாக இருப்பதால், சிறுநீரக சிகிச்சை பெற்று வரும் இந்தியர்களுக்கு, குறிப்பாக பி40 பிரிவைச் சேர்ந்தவர்களுக்கு முக்கியத்துவம் அளிக்கப்படுகிறது. இதன் மூலம் அவர்களின் சிரமங்களை போக்க மித்ரா நேரடியாக உதவும்” என்றார் பிரபாகரன்.

“முந்தைய அரசு இதுபோன்ற எதையும் செய்ததில்லை. இதுவே முதன்முறை இது ஒரு நல்ல வாய்ப்பு,” என்று அவர் கூறினார்.

இரண்டாவதாக, பாலர் பள்ளிபள்ளி திட்டத்திற்கு 10.8 மில்லியன் வெள்ளி ஒதுக்கப்பட்டுள்ளது. இந்தத் தொகையில் 4,500 மாணவர்களுக்கு உதவித் தொகை வழங்கப்படும். ஒரு மாணவருக்கு மாதம் 150 வெள்ளி முதல் 200 வெள்ளி வரை ஒதுக்கீடு செய்யப்பட்டுள்ளது. 12 மாதங்களுக்கு உணவு மற்றும் பாலர் கட்டணம் உட்பட பாலர் பள்ளியில் இலவசமாகப் பயிலும் வாய்ப்பை பெறலாம்

கடந்த ஆண்டு 4,400 மாணவர்களுக்கு இந்த வாய்ப்பு கிடைத்தது. இந்த ஆண்டு 4,500 பேராக அதிகரிக்கப்பட்டு இருப்பது மகிழ்ச்சி அளிப்பதாக பத்து நாடாளுமன்ற உறுப்பினருமான பிரபாகரன் குறிப்பிட்டார்.