வியாழக்கிழமை, ஜூன் 20, 2019
அண்மையச் செய்திகள்
முகப்பு > இந்தியா/ ஈழம் > பெங்களூருவில் மனித கடத்தல் கும்பல் கைது: பலரை அடைத்துவைத்து பணம் பறித்தது அம்பலம்
இந்தியா/ ஈழம்முதன்மைச் செய்திகள்

பெங்களூருவில் மனித கடத்தல் கும்பல் கைது: பலரை அடைத்துவைத்து பணம் பறித்தது அம்பலம்

பெங்களூரு, டிச. 10-

மனித கடத்தலில் சிக்கிய ஒருவர் பெங்களூருவில் கொலைச் செய்யப்பட்டது தொடர்பான வழக்கு விசாரணையில், மனித கடத்தல் கும்பலை நடத்திய முக்கிய நபர் உள்பட 13 பேர் கைது செய்யப்பட்டுள்ளதாக கர்நாடக காவல்துறை தெரிவித்துள்ளது.

முன்னதாக, பஞ்சாப் மாநிலத்தைச் சேர்ந்த சுரேந்திர பால் சிங் என்பவரை கனடாவுக்கு அனுப்பி வைப்பதாக பெங்களூருவுக்கு அழைத்துள்ளது இக்கும்பல. அக்கும்பலின் வார்த்தையை நம்பிய சுரேந்தர பால் சிங் பெங்களூரு வந்த நிலையில், அவரை அடைத்து வந்த கும்பல் அவர் குடும்பத்திடம் 20 லட்சம் ரூபாய் கேட்டதாக காவல்துறை தரப்பில் தெரிவிக்கப்படுகின்றது.

அவரின் குடும்பத்தால் பணம் கொடுக்க முடியாத சூழலில், அவரின் உடல் பெங்களூரு ராமநகரா பகுதியில் கண்டெடுக்கப்பட்டது. இது தொடர்பாக வழக்கு பதியப்பட்டு விசாரணை நடந்து வந்த நிலையில், இக்கொலையில் தொடர்புடைய மும்பையைச் சேர்ந்த அப்துல் கரீம் ரகுமான் குரேஷி உள்பட 13 பேர் கைது செய்யப்பட்டுள்ளனர். அதே சமயம், இக்கும்பலின் வசமிருந்த 8 வங்கதேசிகள் மீட்கப்பட்டுள்ளனர். இவர்கள் பெங்களூரு வழியாக ஐரோப்பா மற்றும் கனடாவுக்கு கடத்தப்பட இருந்ததாக கூறப்பட்டுள்ளது.

“வட இந்தியா மற்றும் வங்கதேசத்தைச் சேர்ந்த இளைஞர்களை பெங்களூருக்கு அழைத்து, அவர்களின் குடும்பத்திடமிருந்து பெருந்தொகை கிடைக்கும் வரை அடைத்து வைத்து அடித்துள்ளனர். பணம் கிடைத்ததும், அவர்களை அறிமுகமில்லாத நகரில் கைவிட்டுள்ளனர்” என இவ்வழக்கை விசாரிக்கும் பொருளாதார குற்றப் பிரிவின் ஹேமந்த் நிம்பல்கர் கூறியிருக்கிறார்.

இம்மோசடி கும்பலை வழிநடத்தியவராக கூறப்படும் குரேஷி வீட்டில் நடந்த தேடுதலில் கனடா, அமெரிக்கா, ஆஸ்திரேலியா, தாய்லாந்து, இந்தோனேசியாவுக்கு செல்வதற்கான விசாக்களுடன் 108 பாஸ்போர்டுகள், ஆதார் அட்டைகள், வாக்காளர் அட்டைகள் உள்ளிட்ட பல ஆவணங்கள் கைப்பற்றப்பட்டுள்ளன.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன