திங்கட்கிழமை, ஏப்ரல் 6, 2020
அண்மையச் செய்திகள்
முகப்பு > கலை உலகம் > ஆஸ்ட்ரோ FY20-இல் சிறந்த முடிவுகளை பதிவு செய்துள்ளது!
கலை உலகம்முதன்மைச் செய்திகள்

ஆஸ்ட்ரோ FY20-இல் சிறந்த முடிவுகளை பதிவு செய்துள்ளது!

ஆஸ்ட்ரோ மலேசியா ஹோல்டிங்ஸ் பெர்ஹாட் | 31 ஜனவரி 2020-இல் (FY20) முடிவுற்ற நிதியாண்டின் சிறப்பு முடிவுகள்

  • வருவாய் -10% குறைவு, ரிம 4.9 பில்லியன்
  • வரிக்கு முந்தைய இலாபம் (EBITDA) +7% உயர்வு, ரிம 1.7 பில்லியன்
  • இயல்பாகப்பட்ட வரிக்கு பிந்திய இலாபம்* (PATAMI) +17% உயர்வு, ரிம 657 மில்லியன்; செலவுகளின் தேர்வுமுறை இவ்வுயர்வுக்கு முக்கியப் பங்காற்றியது
  • 4QFY20 இயல்பாகப்பட்ட வரிக்கு பிந்திய இலாபம்* (PATAMI) -19% குறைவு, ரிம 128 மில்லியன்
  • அறிவிக்கப்பட்ட நான்காம் இடைக்கால இலாப ஈவு பங்குக்கு 1.5 சென் வீதம்

கட்டணத் தொலைக்காட்சி ‘ஆர்பு’ ARPU ரிம 100-ஆகப் பதிவு

ஆஸ்ட்ரோ நிறுவனத்தின் தலைவர் துன் சாக்கி அஸ்மி கூறுகையில், “FY20-இல் உலகளாவிய பொருளாதார சூழலிலும் ஊடக துறையிலும் பல சவால்கள் ஏற்ப்பட்டாலும் ஆஸ்ட்ரோ தொடர்ந்து சிறப்பான முறையில் வருமானத்தை உற்பத்தி செய்கிறது; மேலும் செலவுகளில் கட்டுக்கோப்பாக இருப்பதோடு மூலதன நிர்வாகத்திலும் ஆக்கப்பூர்வமாக செயல்பட்டு வருகிறது.

COVID-19 pandemic தொற்றுநோய்க்கு மத்தியில், நான்காவது இடைக்கால இலாப ஈவு பங்குக்கு 1.5 சென் வீதம் நிர்வகிப்பதன் மூலம் விவேகமான அணுகுமுறையை எடுக்க இயக்குநர் வாரியம் முடிவு செய்துள்ளது.

FY20-இல் அறிவிக்கப்பட்ட மொத்த இலாப ஈவுத்தொகை 7.5 சென் ஆகும், இது 60% ஈவுத்தொகை செலுத்தும் விகிதத்திற்கு சமம். ஒருங்கிணைந்த இலாபங்களில் குறைந்தது 75% செலுத்தும் ஆஸ்ட்ரோவின் ஈவுத்தொகைக் கொள்கையிலிருந்து வெளியேறுவதை இது குறிக்கிறது. தற்போதைய நிச்சயமற்ற தன்மையைக் கருத்தில் கொண்டு, பணப்புழக்கத்தைப் பாதுகாப்பதற்கும் குழுவின் இருப்புநிலைக் குறிப்பை வலுப்படுத்துவதற்கும் இது ஒரு சிறந்த நடவடிக்கை என்று இயக்குநர் வாரியம் நம்புகிறது.

ஆஸ்ட்ரோவின் தலைமை நிர்வாக அதிகாரி, ஹென்ட்ரி தான் கூறுகையில், “ஒரு சவாலான இயக்க சூழல் மற்றும் திருட்டு அச்சுறுத்தலுக்கு மத்தியில் எங்களின் நிதி முடிவுகள் மிகவும் சிறப்பாகவும் வலுவாகவும் இருக்கின்றன. எங்களின் கட்டணத் தொலைக்காட்சி, NJOI, வர்த்தகம் மற்றும் பிராட்பேண்ட் முன்மொழிவுகள் மூலம் மலேசிய வீடுகளுக்கு பொழுதுபோக்கு இலக்காகவும் மற்றும் நுழைவாயிலாகவும் எங்கள் நிலையை வலுப்படுத்தியதன் மூலமும் விவேகமான செலவுகளின் தேர்வுமுறை மூலமும், வரிக்கு பிந்திய இலாபம் (PATAMI) வளர்ச்சியை நாங்கள் அடைந்தோம். கிளவுட்டில் பதிவு செய்யும் முறையை கொண்ட ஆஸ்ட்ரோவின் சமீபத்திய 4K UHD குறிவிலக்கி (decoder) அறிமுகப்படுத்தப்பட்டதிலிருந்து 45,000-க்கும் மேற்பட்ட ஆர்டர்களுடன் நல்ல வரவேற்பைப் பெற்றுள்ளது.”

“எங்களின் நிலையான நிதி, வணிகத்தை முன்னிலைப்படுத்தி OTT காணொளி ஸ்ட்ரீமிங், வானொலி மற்றும் வர்த்தகத்தில் புதிய டிஜிட்டல் வாய்ப்புகளை கண்டு பிடிக்கவும் உதவுகிறது. 3 பிரத்தியேக ஸ்ட்ரீமிங் சேவைகளுடன் – ஆஸ்ட்ரோ கோ, HBO GO மற்றும் iQIYI போன்ற பயன்பாட்டுடன் 2.6 மில்லியனுக்கும் அதிகமான பதிவு செய்த பயனீட்டாளர்களுடன் மலேசியாவில் வீடியோ ஸ்ட்ரீமிங் சேவைகளுக்கான மிகப்பெரிய வாடிக்கையாளர் தளத்தை நாங்கள் கொண்டுள்ளோம்.”

முக்கிய செயல்பாட்டு சிறப்பம்சங்கள்:

  • மலேசிய வீடுகளை வெல்வது: வாடிக்கையாளர் அனுபவத்தை உயர்த்துவதற்கான முன்முயற்சிகளுடன், பலவிதமான தாய்மொழி, சர்வதேச மற்றும் நேரடி விளையாட்டு உள்ளடக்கங்களுடன், மொத்த வாடிக்கையாளர் தளமாக 5.7 மில்லியன் அல்லது 75% மலேசிய தொலைக்காட்சி குடும்பங்களைக் கொண்டு மலேசியாவின் பொழுதுபோக்கு களமாக ஆஸ்ட்ரோ தனது நிலையை வலுப்படுத்துகிறது. ஆஸ்ட்ரோ வீடுகளில் தனது இருப்பை மேலும் அதிகரிக்க NJOI-ஐ மேம்படுத்துகிறது. வசதியான கடைகள், ஆன்லைன் வங்கி மற்றும் சுய சேவை அலைவரிசைகள் உள்ளிட்ட தற்போதுள்ள 30,000 தளங்களை பூர்த்தி செய்வதற்காக NJOI, e-wallet top-ups-ஐ அறிமுகப்படுத்தியது.
  • வலுவான ஈடுபாடு: தொலைக்காட்சி, ஆன் டிமாண்ட் மற்றும் ஆஸ்ட்ரோ கோ என பலதரப்பட்ட தளங்களில் எங்கள் வாடிக்கையாளர்கள் தினமும் சுமார் 4 மணிநேரத்திற்கும் மேல் ஆஸ்ட்ரோ நிகழ்ச்சிகளைக் கண்டு களிக்கின்றனர். இந்த டிஜிட்டல் சகாப்தத்திலும் கூட நாங்கள் பொருத்தமாக இருப்பதை இது உறுதிப்படுத்துகின்றது. ஆஸ்ட்ரோவின் எச்டி அலைவரிசைகள 101 உயர்ந்துள்ள வேளையில், இஃது தொலைக்காட்சி பார்வையாளர்களின் பங்கிற்கு சுமார் 76% பங்களிக்கிறது. கண்டு ரசிக்க 51,000க்கும் மேற்பட்ட ஆன் டிமாண்ட் தலைப்புகள் இருக்கையில், ஆன் டிமாண்ட் தலைப்புகளைப் பார்க்கும் எண்ணிக்கை 37% , ரிம 74 மில்லியன் வளர்ச்சியைக் கண்டுள்ளது, வாராந்திர நிகழ்ச்சிகளைப் பார்க்கும் எண்ணிக்கை 8% உயர்ந்து, 480 நிமிடங்களைப் பதிவு செய்தது. ஆஸ்ட்ரோ கோ செயலியின் பயனர்கள் எண்ணிக்கை 20% உயர்ந்து, 2.6 மில்லியன் பயனீட்டாளர்களைப் பதிவு செய்ததோடு வாராந்திர நிகழ்ச்சிகளைப் பார்க்கும் எண்ணிக்கை 16% அதிகரித்து, 173 நிமிடங்களைப் பதிவுச் செய்தது.
  • ரேடெக்ஸ் வளர்ச்சியைக் காட்டுகிறது: ஆஸ்ட்ரோவின் வானொலி தரங்கள் அவரவர் உரிய மொழிகளில் முதலிடத்தைத் தக்க வைத்துள்ள வேளையில், வாரந்தோறும் வானொலி கேட்போரின் எண்ணிக்கை 16.9 மில்லியன் பதிவு செய்துள்ளது. சராசரியாக தினமும் 2 மணிநேரம் கேட்போர்கள் வானொலியை கேட்கும் வேளையில், 3 மில்லியன் பயனர்கள் மாதந்தோறும் வானொலியை ஆன்லைன் வாயிலாக ஸ்ட்ரீம் செய்கிறார்கள். ஆஸ்ட்ரோ வானொலி தரங்கள், பாட்காஸ்ட்கள் மற்றும் அசல் காணொளிகளை ஒருங்கிணைக்கும் SYOK செயலி, சுமார் 273kக்கும் மேற்பட்ட மாதாந்திர பயனர்களைக் கொண்டுள்ளது. ஆஸ்ட்ரோ வானொலியின் ரேடெக்ஸ் கடந்த 4 இடைக்காலங்களில் வளர்ச்சியைக் கண்டதோடு, ரேடெக்ஸ் பங்கு 4 சதவீதம் உயர்ந்து முறையே 80% எனப் பதிவிட்டுள்ளது. ஆஸ்ட்ரோவின் டிஜிட்டல் எடெக்ஸ் பங்கு 4%, உயர்வு கண்ட வேளையில், இவ்வுயர்வு 25க்கும் மேற்பட்ட டிஜிட்டல் தரங்களில் 11.6 மில்லியன் டிஜிட்டல் மாதாந்திர தனித்துவமான பார்வையாளர்களால் ஆதரிக்கப்பட்டது. இதற்கிடையில், ஆஸ்ட்ரோவின் டிவி எடெக்ஸ் பங்கு 43%, உயர்வு கண்ட வேளையில், இவ்வுயர்வு அனைத்து தளங்களிலும் அதிக பார்வையின் மூலம் ஆதரிக்கப்பட்டது.
  • வளரும் அடைவு: வாடிக்கையாளர்களின் எண்ணிக்கையில் 25% உயர்வு கண்டு முறையே 1.0 மில்லியனுக்கும் அதிகமான செயலி பதிவிறக்கங்களுடன் 2.2 மில்லியன் வாடிக்கையாளர் எண்ணிக்கையை பதிவு செய்ததன் மூலம் Go Shop நாடு முழுவதும் அதன் வளர்ச்சியை பதிவிட்டது.

முக்கிய முயற்சிகள்:

  • ஆஸ்ட்ரோ ஷா (Astro Shaw) உள்ளூர் பாக்ஸ் ஆபிஸை வழிநடத்துகிறது: ஆஸ்ட்ரோ ஷா மற்றும் Animonsta இணைந்து தயாரித்த BoBoiBoy The Movie 2 திரைப்படமானது, கடந்த ஆண்டு மலேசியாவில் ரிம 30 மில்லியன் திரைப்பட சீட்டு விற்பனையுடன் அதிக வசூல் செய்த அனிமேஷன் திரைப்படமாகும். மற்ற திரைப்பட வெளியீடுகளுடன் – Pusaka, Sangkar, Wira and Misteri Dilaila, ஆஸ்ட்ரோ ஷா 2019-இல் உள்ளூர் மலேசிய பாக்ஸ் ஆபிஸில் 50% பதிவிட்டது. விருது பெற்ற The Garden of Evening Mists மலேசியா, சிங்கப்பூர், புருனை, தைவான் மற்றும் ஹாங்காங்கில் வெளியிடப்பட்டதோடு உலகளவில் தொடர்ந்து முக்கிய விமர்சனங்களைப் பெற்று வருகிறது.
  • தாய்மொழி உள்ளடக்கம் பார்வையாளர்களின் எண்ணிகையை அதிகரிக்கிறது: ஆஸ்ட்ரோவின் தாய்மொழி உள்ளடக்கம் வலுவான தொலைக்காட்சி பார்வையாளர்களின் பங்கிற்கு முக்கிய பங்காற்றியதோடு 76% பதிவிட்டது. அதன் அசல் நிகழ்ச்சிகளான Gegar Vaganza 6, Maharaja Lawak Mega 2019, Curi-Curi Cinta மற்றும் Classic Golden Melody 2019 போன்றவை 2019-ஆம் ஆண்டில் அதிகம் பார்க்கப்பட்ட நிகழ்ச்சிகளாகும். அதன் ரியாலிட்டி திறமை நிகழ்ச்சியான, Gegar Vaganza 6, 3.8 மில்லியன் தொலைக்காட்சி பார்வையாளர்களைக் கொண்டு மிக உயர்ந்த மதிப்பிடப்பட்ட நிகழ்ச்சியாகும்.
    800 Mbps வரை ஃபைபர் பிராட்பேண்ட் வேகத்துடன் உள்ளடக்க தொகுப்புகள்: ஆஸ்ட்ரோ தற்பொழுது Maxis Home Fibre -உடன் இணைந்து of 300Mbps, 500Mbps மற்றும் 800Mbps ஃபைபர் பிராட்பேண்ட் வேகத்துடன் தொகுக்கப்பட்ட புதிய உள்ளடக்க தொகுப்புகளை வழங்குகிறது.

விரிவான கண்ணோட்டம்
உலகளவில், வணிகங்கள் COVID-19 pandemic தொற்றுநோய் கொண்டுவந்த முன்னோடியில்லாத சமூக மற்றும் பொருளாதார சவால்களை எதிர்கொள்கின்றன. ஹென்றி கூறுகையில், “ஒரு ஒளிபரப்பாளராக, ஆஸ்ட்ரோ ஒரு அத்தியாவசிய சேவை வழங்குநராக அரசாங்கத்தால் வகைப்படுத்தப்பட்டுள்ளது. நடமாட்டக் கட்டுப்பாட்டு ஆணையின் போது நாங்கள் வழக்கம் போல் தொடர்ந்து நிகழ்ச்சிகளை ஒளிபரப்பினாலும், வணிக தொடர்ச்சி திட்டத்தை ​​நாங்கள் செயல்படுத்தியுள்ளோம். அதே சமயத்தில், எங்களின் ஊழியர்களின் பாதுகாப்பையும் உறுதி செய்துள்ளோம். எங்களின் அணிகள் வெவ்வேறு தளங்களில் பிரிந்து வீட்டிலிருந்து வேலை செய்கின்றன. இக்கடினமான காலக்கட்டத்தில், மலேசியர்களை தகவலறிந்து மகிழ்விக்க ஆஸ்ட்ரோவில் நாங்கள் எங்கள் பங்கைச் செய்கிறோம்.”

ஆஸ்ட்ரோ தனது வாடிக்கையாளர் மதிப்பு முன்மொழிவு மற்றும் விசுவாசத்தை வலுப்படுத்துவதில் கவனம் செலுத்துகிறது, அதே நேரத்தில் ஆழ்ந்த செலவு தேர்வுமுறை மற்றும் வலுவான திருட்டு எதிர்ப்பு உந்துதல் ஆகியவற்றைப் பின்தொடர்வதுடன் வர்த்தகம், பிராட்பேண்ட், டிஜிட்டல் மற்றும் OTT ஆகியவற்றில் புதிய வருவாய் இணைப்புகளை உருவாக்க அதன் வாடிக்கையாளர் தளத்தை மேம்படுத்துகிறது.

* இயல்பாகப்பட்ட வரிக்கு பிந்திய இலாபம் (PATAMI- இல் டிரான்ஸ்பாண்டர் தொடர்பான நிதி குத்தகைக் கடன்களின் சந்தை மறு மதிப்பீடு மற்றும் 4Q FY19-இல் ஒரு-பணியாளர் பிரிப்புத் திட்ட செலவு ஆகியவற்றின் காரணமாக மதிப்பிடப்படாத அந்நிய செலாவணி ஆதாயத்தின் / (இழப்பு) வரிக்கு பிந்தைய தாக்கம் போன்றவை அடங்காது.

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன