விரைவில் ராஜா ஸ்டுடியோ!!

சென்னை, ஜூலை 15-

இசையமைப்பாளர் இளையராஜா வடபழனியில் உள்ள பிரசாத் ஸ்டுடியோவில் தனது பாடல்களைப் பதிவு செய்து வந்தார். 40 ஆண்டுகளுக்கு முன்னர் எல்.வி.பிரசாத் இளையராஜாவுக்கு அங்கு இடம் வழங்கினார், மேலும் இளையராஜா இந்த ஸ்டுடியோவிலிருந்து மிகப் பெரிய ஹிட் பாடல்களைப் பதிவு செய்தார் என்பது குறிப்பிடத்தக்கது.

எல்.வி.பிரசாத்தின் மகன் ரமேஷ் பிரசாத்தும், பிரசாத் ஸ்டுடியோவில் இளையராஜா ரெக்கார்டிங் ஸ்டுடியோ வைத்திருப்பதில் பெருமிதம் கொண்டார்.

ஆனால் கடந்த ஆண்டு எல்.வி.பிரசாத்தின் பேரன் சாய் பிரசாத், இளையராஜாவை ஸ்டுடியோவை விட்டு வெளியேற வேண்டும் என்று வலியுறுத்தி வருகிறார்.

அப்போது, இளையராஜாவுக்கு ஆதரவாக தமிழ் திரையுலகம் திரண்டு வந்தது குறிப்பிடத்தக்கது. ஆனால் பலன்கிடைக்கவில்லை. இளையராஜாவும் இனிமேல் பிரசாத் ஸ்டுடியோவில் இருக்க வேண்டாம் என்று முடிவு செய்துவிட்டார்.

தற்போது இளையராஜா கோடம்பாக்கத்தில் எம்.எம்.பிரிவ்யூ தியேட்டரை ரெக்கார்டிங் ஸ்டுடியோவாக மாற்றுவதற்காக வாங்கி இருக்கிறார். இந்த ஸ்டுடியோவுக்கு ராஜா ஸ்டுடியோ என்று பெயரிடப்பட இருப்பதாக தகவல்கள் வெளியாகியுள்ளது. மேலும் ராஜா ஸ்டுடியோ செப்டம்பரில் திறக்கப்படும் என்றும் கூறப்படுகிறது.

தகவல் : மாலை மலர்