தீபாவளி பண்டிகையை முன்னிட்டு, கோத்தா கெமுனிங் சட்டமன்ற உறுப்பினர் மாண்புமிகு பிரகாஸ் சம்புநாதன், பராமரிப்பு இல்லத்தில் வசிக்கும் சிறார்களுடன் இணைந்து பண்டிகை மகிழ்ச்சியைப் பகிர்ந்துகொண்டார்.
இந்தச் சந்திப்பின்போது, சிறார்களுக்குப் புத்தாடைகள் வாங்கிக் கொடுத்து, அவர்களுடன் கடல் உணவு உணவகத்தில் இரவு உணவருந்தி மகிழ்ந்தார். மேலும், தீபாவளி அன்பளிப்பாக அவர்களுக்குப் பணமும் வழங்கப்பட்டது.
சிறார்களுடன் நேரம் செலவிட்ட அவர், அவர்களின் அனுபவங்களையும் கதைகளையும் கேட்டறிந்து, அன்பையும் அக்கறையையும் வெளிப்படுத்தினார்.
பரிசுப் பொருட்களை வழங்குவதைத் தாண்டி, சிறார்களுடன் நேரத்தைப் பகிர்ந்துகொள்வதும், அவர்களின் மகிழ்ச்சியில் பங்கேற்பதும் இந்த நிகழ்ச்சியின் முக்கிய நோக்கமாக அமைந்தது.
இந்த நிகழ்ச்சிக்கு ஆதரவும் அன்பான வரவேற்பும் வழங்கிய Raaji Silk Palace நிறுவனத்திற்கு நன்றியும் தெரிவிக்கப்பட்டது.
அதேவேளை, உள்ளூர் வணிகர்களிடமிருந்து புத்தாடைகள் வாங்கி, உள்ளூர் உணவகத்தில் உணவருந்தியதன் மூலம் சமூகத்தின் வணிகர்களுக்கு ஆதரவளிக்கும் முயற்சியும் முன்னெடுக்கப்பட்டது.
“Community Supporting Community” என்ற அடிப்படையில், சமூகத்தின் மகிழ்ச்சியும் வளர்ச்சியும் அனைவரின் ஆதரவிலும் அக்கறையிலும் தங்கியுள்ளது என்பதை இந்த நிகழ்வு எடுத்துக்காட்டியது.
அன்பு, மகிழ்ச்சி மற்றும் நம்பிக்கை நிறைந்த தீபாவளியாக அனைவருக்கும் அமைய வேண்டும் என்றும் வாழ்த்துகள் தெரிவிக்கப்பட்டன.
