கிள்ளான், பிப். 21-
கடுமையான நீரிழிவால்  பாதிக்கப்பட்டு வலது காலை இழந்த ஜான்சி ராணி என்ற பெண்மணிக்கு இன்று மனித வள அமைச்சர் வ சிவகுமார் மூலம் புதிய விடிவுகாலம் பிறந்தது.

ஜகார்த்தாவில் இருந்து நாடு திரும்பியதும்
கிள்ளான் தாமான் சொந்தோசாவைச் சேர்ந்த ஜான்சி ராணி இல்லத்திற்கு நேரடி வருகை புரிந்த மனித வள அமைச்சர் சிவகுமார்  அவரை  நேரில் சந்தித்து உடல் நலம் விசாரித்தார்.

கிள்ளானைச் சேர்ந்த சமூக நல பாதுகாப்பு நிறுவனத்தின் (சொக்சோ) அதிகாரிகளும்  உடனிருந்தனர்.

மேலும் சொக்சோ சமூகநல பாதுகாப்பு புனர் வாழ்வு மையத்தில் ஆறு மாதங்கள் பயிற்சி பெறவும் இவருக்கு உறுதி கடிதம் வழங்கப்பட்டது.

இடது காலை இழந்ததால்  உற்சாகத்தை இழந்த ஜான்சி ராணி இனிமேல் சொக்சோ உதவிகளோடு அனைத்து சலுகைகளையும் பெற்று பழைய நிலைக்குத்  திரும்புவார் என்று மனித வள அமைச்சர் சிவகுமார் நம்பிக்கைத் தெரிவித்தார்.

இன்று ஜான்சி ராணி இல்லத்திற்கு மனித வள அமைச்சர் சிவகுமார் வருகை புரிந்த போது சொந்தோசா சட்டமன்ற உறுப்பினர் டாக்டர் குணராஜ் ஜோர்ஜ் உடன் இருந்தார்.

தக்க நேரத்தில் தன் இல்லம் தேடி வந்து உதவிகளை வழங்கிய மனித வள அமைச்சர் சிவகுமாருக்கும் சொக்சோ நிறுவனத்திற்கும் ஜான்சி ராணி நன்றியைத் தெரிவித்துக் கொண்டார்.