போர்த்துகல் கால்பந்து அணியிலிருந்து ஓய்வு பெறும் முடிவை தான் எடுக்கவில்லை என கிறிஸ்டியானோ ரொனால்டோ தெரிவித்துள்ளார்.
போர்த்துகல் பயிற்சியாளர் ஜோர்ஜ் ஜீசஸ் தன்னிடம் அளித்த இரு வாக்குறுதிகளை நிறைவேற்றாததே அணியின் பயிற்சி முகாமிலிருந்து தான் வெளியேறியதற்குக் காரணம் என 41 வயதான ரொனால்டோ விளக்கமளித்துள்ளார்.
நோர்வேக்கு எதிரான போட்டியில் 30 நிமிடங்கள் விளையாடுவதாக தன்னிடம் கூறப்பட்டதாகவும், அதற்காக இடைவேளையிலிருந்து தயாராக இருந்தபோதிலும் களமிறக்கப்படவில்லை என்றும் அவர் கூறினார். பின்னர், இந்த விவகாரம் குறித்து செய்தியாளர் சந்திப்பில் விளக்கம் அளிப்பதாக பயிற்சியாளர் ஒப்புக்கொண்டதாகவும், ஆனால் அது நடைபெறவில்லை என்றும் ரொனால்டோ தெரிவித்துள்ளார்.
அதேவேளை, பயிற்சி முகாமிலிருந்து வெளியேறியதற்காக சக வீரர்கள் மற்றும் போர்த்துகல் மக்களிடம் அவர் மன்னிப்புக் கேட்டுள்ளார். தனது செயலுக்கான தண்டனையை ஏற்கத் தயாராக இருப்பதாகவும் கூறியுள்ளார்.
முக்கியமாக, போர்த்துகல் அணியுடனான தனது பயணம் முடிவடையவில்லை என்று தெளிவுபடுத்திய ரொனால்டோ, உடல் தகுதியுடன் இருந்தால் தண்டனை முடிந்த பின்னர் மீண்டும் அணிக்காக விளையாடத் தயாராக இருப்பதாக தெரிவித்துள்ளார்.
