ஜகார்த்தா, டிச 23
இந்தோனேசியாவில் உள்ள கடற்கரை பகுதியான சுந்தா ஸ்ட்ரேய்ட் பகுதியில் நேற்றிரவு திடீரென சுனாமி அலை தாக்கியது. இந்த சுனாமியால் பாண்டேக்லாங்க், செராங் மாவட்டங்கள் பாதிக்கப்பட்டன.
இச்சம்பவத்தில் இதுவரை 43 பேர் பரிதாபமாக உயிரிழந்த நிலையில் 550-க்கும் மேற்பட்டோர் காயம் அடைந்தனர். பலியானவர்களில் பெரும்பாலானோர் பாண்டேக்லாங், தெற்கு லாம்புங் மற்றும் ஷெராங் பகுதியை சேர்ந்தவர்களாவர். இதில் 430 வீடுகள், 9 விடுதிகள், 10 படகுகள் சேதமடைந்தன.
அனாக் கிராகட்டாயு என்ற எரிமலை வெடித்ததன் மூலம் இந்த சுனாமி அலை தாக்குதல் ஏற்பட்டிருக்கலாம் என இந்தோனேசிய பேரிடர் நிறுவனம் தெரிவித்துள்ளது. ஆனால், சுனாமி ஏற்பட்டதற்கான உண்மையான காரணம் இதுவரை தெரியவில்லை.
