மெட்ரிட் | ஜூன் 20:-
மலேசிய இந்தியப் பூப்பந்து தாரகை கிசோனா ஸ்பெயினில் நடந்த அனைத்துலகப் பொதுப் பூப்பந்து போட்டியில் வெற்றி வாகை சூடியுள்ளார்.
இறுதி ஆட்டத்தில் கோ ஜின் வெய் எனும் மற்றொரு மலேசிய ஆட்டக்காரரைச் சந்தித்த கிசோனா, அவரை 31 நிமிடங்களில் 21 – 14, 21 – 19 எனும் நேரடி செட்களில் தோற்கடித்தார்.
2019ஆம் ஆண்டு சீ விளையாட்டு பூப்பந்து போட்டியில் தங்கப்பதக்கம் வென்ற கிசோனா தற்பொழுது இரண்டாம் முறையாக உலக வெற்றியாளராகியுள்ளார்.
இதனிடையே, அதே போட்டியில் கலப்பு இரட்டையர் பிரிவில் கலந்து கொண்ட தீ காய் வுன் – தியோ மெய் ஸிங் இணையர் இங்கிலாந்தின் கெல்லம் ஹெம்மிங் – ஜெசிக்கா பக் இணையரை 21-15, 13-21, 21-19 என்ற புள்ளிகளில் தோற்கடித்தனர். அவ்வாட்டம் மிகவும் கடுமையானதாக இருந்ததால் ஏறத்தாழ 50 நிமிடங்கள் வரை அது நோடித்தது.
தீ காய் வுன்னுக்கு இம்முறை இரட்டை வெற்றியாக ஆண்கள் இரட்டையர் பிரிவிலும் கிடைத்துள்ளது. மான் வெய் சோங்குடன் ஆண்கள் இரட்டையர் பிரிவில் கலந்து கொண்ட தீ காய் வுன் பிரான்ஸ் நாட்டின் லூக்கஸ் கோர்வீ – ரோனன் லபார் இணையரை 21-15-21-18 எனும் நேரடி செட்களில் வீழ்த்தி வெற்றியாளர்களாக திகழ்ந்தனர்.
