மலாக்கா, ஜூன் 29-

6 வருடங்களுக்கு முன்னர், ஆடவருக்கு மரணத்தை ஏற்படுத்திய குற்றச்சாட்டுத் தொடர்பாக, வர்த்தகருக்கு, மலாக்கா உயர் நீதிமன்றம் இன்று மரண தண்டனை விதித்தது.

வழக்கு வாதத்தின் முடிவில் அரசுத் தரப்பு முதன்மையான வழக்கை நிரூபிப்பதில் வெற்றி பெற்றதை அடுத்து. 33 வயதான எஸ் பாண்டிய ராஜ் மீதான தண்டனைக்கு நீதிபதி டத்தோ அகமட் நஸ்ஃபி யாசின் தீர்ப்பளித்தார்,

நீதிபதி அவருக்குத் தண்டனை வழங்கியவுடன் வெள்ளை உடையில் இருந்த குற்றம் சாட்டப்பட்டவர் அமைதி காத்தார்.

பாதிக்கப்பட்டவருக்கு ஏற்பட்ட காயங்கள் சாலை விபத்துடன் ஒத்துப்போகவில்லை அதோடு, குற்றம் சாட்டப்பட்டவர் தமது நண்பர்களுடன் சேர்ந்து மரணத்திற்கான காயங்களை ஏற்படுத்திய செயல் தொடர்பாக தடயவியல் முன்வைத்த சான்றுகளில் நீதிமன்றம் மனநிறைவு கொள்கின்றது என அஹ்மத் நஸ்ஃபி கூறினார்.

“வழக்கின் முடிவில், அரசுத் தரப்பு சமர்ப்பித்ததை நீதிமன்றம் ஏற்றுக்கொண்டது. நீதிமன்றம் குற்றம் சாட்டப்பட்டவரைக் குற்றவாளி எனக் கண்டறிந்து, தண்டனைச் சட்டத்தின் 302வது பிரிவின் கீழ் குற்றவாளி என்று தீர்ப்பளித்தது, மேலும் நீதிமன்றத்திற்கு மரண தண்டனையைத் தவிர வேறு வழியில்லை” என்று அவர் கூறினார்.

இந்த வழக்கை மாநில அரசுத் தரப்பு இயக்குநர் அஹ்மத் சசாலி உமர் மற்றும் துணை அரசு வழக்கறிஞர் முகமட் நபிலாலிஃப் முகமட் ரோஸ்லி ஆகியோர் தொடர்ந்தனர், குற்றம் சாட்டப்பட்டவர் சார்பில் வழக்கறிஞர் பால் கிருஷ்ண ராஜா முன்னிலையானார்.

சம்பவத்தன்று கொல்லப்பட்ட அந்த இளைஞரை இருவர் மலாக்கா மருத்துவமனையில் சேர்த்ததோடு, அவர் விபத்துகளாகிவிட்டார் என்றும், அடையாளம் தெரியாத நபர் அவரை மோதி தள்ளிவிட்டு ஓடிவிட்டதாகவும் பொய் புகார் அளிக்கப்பட்டது.

பின்னர் நபர்களில் ஒருவர் பாதிக்கப்பட்டவரின் சகோதரரைத் தொடர்புகொண்டு அந்த இளைஞரின் முகத்தில் மிதித்த உண்மையான சம்பவத்தை அவருக்குத் தெரிவித்தார்.

விசாரணையின் போது, ​​மொத்தம் 16 அரசு தரப்பு சாட்சிகள் சாட்சியமாக்க முன்னிலைப்படுத்தப்பட்டனர்.