புத்ராஜெயா, ஆக. 26-

மலேசியாவில் இன்று கொவிட் 19 கிருமித் தொற்று காரணமாக 6 சம்பவங்கள் பதிவாகியுள்ளன. கிருமித் தொற்றுக்கு ஆளானவர்களில் 5 சம்பவங்கள் மலேசியாவில் நிகழ்ந்தது என்றும் 1 சம்பவம் வெளிநாட்டைச் சார்ந்தது என சுகாதார அமைச்சு அறிவித்துள்ளது.

இருப்பினும் அவசர சிகிச்சைப் பிரிவில் அனுமதிக்கப்பட்டுள்ளவர்களின் எண்ணிக்கை குறையவில்லை.

இதனிடையே இன்று 7 பேர் பூரண குணமடைந்து வீடு திரும்பியுள்ளதாகச் சுகாதார அமைச்சு அறிவித்துள்ளது.

இந்த காரணமாக இதுவரையில் இந்த கிருமித் தொற்றுக் காரணமாகப் பாதிக்கப்பட்டவர்களின் மொத்த எண்ணிக்கை 9,291 ஆக உயர்ந்துள்ளது. இவர்களில் 188 பேர் இன்னமும் சிகிச்சை பெற்று வருகிறார்கள். அவர்களின் 9 பேர் அவசர சிகிச்சைப் பிரிவில் அனுமதிக்கப்பட்டுள்ள நிலையில், 6 பேர் செயற்கை சுவாசக் கருவியின் உதவியை நாடியுள்ளார். இது 2.02% ஆகும்

இந்த கிருமித் தொற்றின் காரணமாக மரணச் சம்பவங்கள் நிகழவில்லை. அதனால் கொவிட் 19 காரணமாக மலேசியாவில் இறந்தவர்களின் எண்ணிக்கை 125ஆக நீடிக்கின்றது. இது 1.35 விழுக்காடு ஆகும்.

இன்று 7 பேர் குணமடைந்துள்ளார்கள். இதனால் குணமடைந்தவர்களின் மொத்த எண்ணிக்கை 8,978 ஆக அதிகரித்துள்ளது. இது 96.63% ஆகும்